Ráðherrann þyrfti á kennslu í lestrarskilningi að halda

Svolítið einkennilegt sjónarmið ráðherra að nú skiptir máli að lántakendur komi ekki mis illa út úr falli krónunnar og bankanna, hann sagði ekki orð um sjálfsagðan jöfnuð þegar greiðslur af myntkörfulánum hækkaði um t.d. 55% við fall en greiðslur af vertryggðum lánum með viðmið við neysluverðsvísitölu hækkuðu um 25%.

Auk þess er alveg ótrúlegt að ráðherrann skilji ekki Íslensku.  Lagagreinin sem hann vitnar svo gjarnan til er um hvernig greiða eigi til baka ofteknar greiðslur af lánum.  Það mætti hugsanlega túlka það þannig að þegar bankarnir greiða lántakendum til baka ofteknar greiðslur, beri þeim að endurgreiða það sem þeir hafa innheimt umfram það sem Hæstiréttur hefur úrskurðað vaxtareiknað samkvæmt þessu ákvæði vaxtalaga sem ráðherrann vitnar svo oft til. 

Athugasemdir

[Kristján H Theódórsson, 25.6.2010 kl. 11:11]

Já Kjartan, þetta er merkilegur andskoti hvað þeim er það illa gefið að skilja einfaldan lagatexta. Þessi er sko ekkert þvælinn og þarf enga doktorsgráðu til að skilja að þetta er til að tryggja hag neytandans/lánþegans en ekki öfugt.

Maður er líka svolítið pirraður yfir því hvað fjölmiðlar eru vanmáttugir að taka þessa bjálfa í gegn fyrir þetta rugl.  Á vísi.is var um daginn vitnað í mikinn lagaspeking, Aðalstein Egil Jónasson sem hélt þessari fyrru fram án þess að blikna, að þessi lagagrein, semsagt 18. gr. vaxtalaganna væri sérstaklega til þess ætluð að koma í veg fyrir að skuldarar högnuðust á ógildum lánapappírum! Engin skoðun kom fram hjá fretta manninum um þetta rugl, semsagt að rauntilgangur greinarinnar er einmitt gagnstæður. Að koma í veg fyrir að lánveitandinn hagnist á að gera óvandaða samninga.