Ráðaleysi ríkisstjórnar í málefnum heimila í landinu.

Það er sorglegt að horfa upp á ráðaleysi stjórnvalda gagnvart skuldavanda heimila í landinu.  Þar var engan bilbug að finna eftir kosningar, þá voru til svör við öllu, láta lýðinn koma skríðandi til "velferðarráðherrans" eða einhvers sem hann vísar á í leit að ölmusu.  

Það gengi aldrei að leiðrétta lán heimilanna samkvæmt tillögum stjórnarandstöðu, en það hefði að líkindum dregið verulega úr þeim fjöldagjaldþrotum og upplausn heimila, sem nú eru að koma upp á yfirborðið.  Þegar komið er í ljós að  83% þeirra sem leitað hafa lausnar hafa farið bónleiðir til búðar er komið annað hljóð í strokkinn, nú er í lagi að vinna þetta í einhverri samvinnu við stjórnarandstöðu, líkt og þegar Icesave  málið strandaði á Bessastöðum var í lagi að fá stjórnarandstöðu í málið og jafnvel að taka tvo flokksformenn stjórnarandstöðunnar með í samningaviðræður. 

Þetta er aumkunarverð staða sem þjóðin á ekki að sætta sig við og væri stjórnin meiri ef hún viðurkenndi vanmátt sinn og leitaði í ríkari mæli og fyrr í ferlinu til stjórnarandtöðu við lausn svo erfiðra mála.             

Fjölga úrræðum vegna skuldavanda

Athugasemdir

[J.þ.A (IP-tala skráð) 29.1.2010 kl. 13:36]

Þessi ríkisstjórn er svo arfavitlaus, leggur allt í sölurnar fyrir útrásarvíkingana og leppa þeirra í stjórnarkerfinu.  Ríkisstjórnin talaði um að slá skjaldborg um heimilin, en ég er nærri viss að Jóhanna hefur enga glóru um hvað heimili er. Enda löngu vaxin frá því.  En að ´ræða um að stjórnarandstaðan eigi að koma með úrræður sem Jóhanna sagðist sjálf ætla að gera, tekur út yfir allan þjófabálk.  Farðu nú að hundskast til að hjálpa þeim sem eru hjálparþurfi og vertu ekki að væla þetta utan í Sjálfstæðisflokkinn.  Af hverju ættu þeir að hjálpa til?  Þeir vilja þessa ríkisstjórn burt. Og ekki bara þeir.  Það sannast í næstu kosningum.   Eftirmæli eftir þig verða dapurleg, þegar þú hrökklast frá.

[Kjartan Sigurgeirsson, 29.1.2010 kl. 15:56]

Sennilega alveg hárrétt, ég þorði bara ekki að orða þetta á Íslensku